Utho Sakina utho jata hay karwan
Efforts: Mrs. Nighat Rizwan

Utho Sakina utho jata hay karwan
Teray baghair jani kaisay jiye gi maa

Zindan ka ye andhera chota sa aah sawera
Pardes may Sakina gham khawar kon tera
Zakhmi hain kan teray khali hain baliyan

Qabr e Batool tanha veeran hay Madina
Karb o bala may Asghar zindan may Sakina
Dil ko hila rahi hain Akbar ki hichkiyan

Maa ja rahi hay bibi veeran goad le kar
Karb o bala ke ban may apna suhag de kar
Kaisay Madinay jaoon sab kuch to hay yahan

Sughra ka samna may kaisay karoon bata day
Poochay gi jab woh mujh se may kia kahoon bata day
Amma meri Sakina kho aayi ho kahan

May is gharri se pehlay aey kash mar hi jaoon
Kis kis ko kia bataoon kis kis se munh chupaoon
Poochain gi mujh se aa kar jab sari bibyan

Dil gham se hay do para hamain Shamiyon ne mara
Abbas bhi nahi hain jo barrh ke dain sahara
Jangal may so rahi hain sari nishaniyan

Irfan gham e Sakina hay dukh bhari kahani
Ye dukh bhari kahi Nasir ki hay zubani
May sochta hoon ab bhi kaisay karoon bayan