Kia mujhe chorr kar sab chalay jayain gay
Efforts: Syed-Rizwan Rizvi

Aey amma
Aray aap se may bayan dil ka haal karon
Aray dil may uth-ta hay jo ik sawal karpm
Qaid se jab rehai haram payain gay
Kia meri qabr pe phir nahi aayain gay
Sirf ranj o alam (x2) mujh ko tarrpayain gay
Kia mujhe chorr kar sab chalay jayain gay

Qiad se jab rehai haram payain gay
Kia mujhe chorr kar sab chalay jayain gay

Kia isi qaid may ghut ke mar jaon gi
Kia may do gaz kafan bhi nahi payoon gi
Mailay kurtay may kia mujh ko dafnayain gay
Kia mujhe chorr kar sab chalay jayain gay

Sar se paon talak may lahoo may hoon tar
Mera zakhmo bhara ye badan dekh kar
Sirf zalim nahi zulm pachtayain gay
Kia mujhe chorr kar sab chalay jayain gay

Shaam walay karain gay abhi kuch sitam
Mujh ko khaye chala ja raha hay ye gham
Yeh meri qabr pe Shimr ko layain gay
Kia mujhe chorr kar sab chalay jayain gay

Dekh kar zakhm baba ke ghabrayi may
Hashr may baap ke pas jab aayi may
Dekh kar mujh ko baba bhi ghabrayain gay
Kia mujhe chorr kar sab chalay jayain gay

Karbala hay kahan aur kahan Shaam hay
Na mujhe chain na un ko aaram hay
Woh mujhe Karbala roza bulwayain gay
Kia mujhe chorr kar sab chalay jayain gay

Karbala ja ke baba se ye poochna
Hashr may un se jab ho mera samna
Kia mujhe apnay seenay se liptayain gay
Kia mujhe chorr kar sab chalay jayain gay

Kehna Sughra se apna chaman mil gaya
Ho mubarak tumhain to watan mil gaya
Hashr tak ham musafir hi kelayain gay
Kia mujhe chorr kar sab chalay jayain gay

Shaam may hi meri sham ho jaye gi
Ye kahani meri aam ho jaye gi
Baap beti se jab pyar farmayain gay
Kia mujhe chorr kar sab chalay jayain gay

Ham na fankar hain aur na ahle qalam
Hay ye Frhan o Shokat pe un ka karam
Ham se Shabbir noha kehlawain gay
Kia mujhe chorr kar sab chalay jayain gay