Machao shor na logo Sakina jaag jaye gi
Efforts: Syed-Rizwan Rizvi

Machao shor na logo Sakina jaag jaye gi
Meri zanjeer na khaincho Sakina jaag jaye gi

Kabhi bachi ko takhta hay kabhi ansoo bahata hay
Dar e zindaan pe baitha musafir sab se khta hay
Zara aaram se guzro Sakina jaag jaye gi

Kisi bhi zulm se jo aah ki khatir jo lab khultay
Tarrap kar Abid e beemar ye kehta tha honton se
Agar ye aah nikli to Sakina jaag jaye gi

Agar aulad walay ho tumhe ye sab pata ho ga
Adhoori neend se uth jaye jo bachi to kiya ho ga
Khuda Shimr ko roko Sakina jaag jaye gi

Abhi zindaan may ho jaye ga kohram dilbar ka
Wo aahat sun ke samjhay gi ke shayed aa gaye baba
Dar e zindaan na kholo Sakina jaag jaye gi

Ye wada hay mera pani nahi mangoon ga may tum se
Woh jab uth jaye to jee bhar ke beshak marna phir durray
Abhi bekas ko na maro Sakina jaag jaye gi

Abhi aazad ho tum qaid ke matlab ko kia jano
Parindo chorr do zindan meri ilteja mano
Chalay jao na yun chehko Sakina jaag jaye gi

Sar e zindaan Sakina ko qaza ki neend kia aayi
Kisi se kuch nahi kehta hay is mazloom ka bhai
Ke ab ye dar nahi us ko Sakina jaag jaye gi