Jab mah-e-Muharram ka namoodar hua chand
Aur Karb o bala pohoncha to ghamkhaar hua chand
Rotay rahay ban may bani hashim ke sipahain
Pamal huay dasht may Zehra ke dularay
Mazloom Sheh e deen ka azadar hua chand
Tukrray huay zehra ke kaye chand zameen par
Ankhon may samaya hay usi dasht ka manzar
Ashoor se is gham may giraftar hua chand
Karta hay tawaf aaj bhi woh Kaaba-e-deen ka
Kia us se taqabul karain Qasim se haseen ka
Yun roza e Shabbir ka zawwar hua chand
Yun hota hay zahir ye ghariboon ke alam may
Kehlata hay mazloom sheh e wala ke gham may
Yun matmi kehlanay ka haqdar hua Chand
Kehlate pehan leta hay malboos e gham o par
Mathay pe saja leta hay maqtal ki wohi gard
Aisa shab e Ashoor dil-afgar hua chand
Jab qatl huay shah to wo dekh raha tha
Zainab ne bhari aah to woh dekh raha tha
Yun bhi to gawah e shah e abrar hua chand
Jab subhe dahum goonji Azan e Ali Akbar
Sehray pe saja kar woh nishan e Ali Akbar
Akbar ki jawani ka parastar hua chand
Matam ka nishan ban ke azadaron ki soorat
Kab zair o zabar aine razakaron ki soorat
Har halqa e matam may namoodar hua chand
|