Aye barwe moula mera iman jaga day
AsSalam o Alaika ya baqiyat Allah
Miljaye raza Rab ki saleeqa tu dikha day
1) Khudgarzi ka aualam hai har ek shaqs pareshaan
Mazhab pey ibadat hai doori ka yeh saaman
Momin ki hai pehchaan rasta woh dikha day
Aye baarwe moula mera imaan jaga day
2) Har simt gunahon ki Fiza ruh hai har su
Ham logon pe saaya kiye rahta hai bas ek tu
Har ek gunah se mere daman ko bacha dey
Aye baarwe moula mera imaan jaga day
3) Moula mai gunahgaar khata Kaar bada hun
Mai aas ye rakhta hun ke momin toh tera hun
Bigdi hui taqdeer hai moula tu bana day
Aye baarwe moula mera imaan jaga day
4) Mai majlis-e-Shabbir bapa karta hun moula
Lekin mai dikhave ka bharam rakhta hun moula
Is dil mein mere sheh ka azakhana saja day
Aye baarwe moula mera imaan jaga day
5) Ghaibat ka jo purda hai usse ab toh uthaday
Deewane tadaptein hai ziyarat toh karaday
Tu Hujjat-e-Allah hai jahan ko yeh bata day
Aye baarwe moula mera imaan jaga day
6) Har pal mein ibadat ho tilwat wo qurani
Ho hamko dua-e-nudba yaad zubani
Shaamil tere lashkar mein ho yeh (azm) banaday
Aye baarwe moula mera imaan jaga day
7) Qaem rahe majlis yeh azakhane hamarey
Tutein na waseelon ke muraadoN ke saharey
Jo dushman-e-Shabbir hai usko tu mita day
Aye baarwe moula mera imaan jaga day
8) Aajaye na Shiite pey baqa shah ka ho gham
Jhuk payega parcham na rukega kabhi matam
Ye zikr-e-Hussaini hai issey azm-e-wafa day
Aye baarwe moula mera imaan jaga day
9) Moula tujhe Zainab ki aseeri ki kasam hai
Jo bhi hai giraftaar ya (jid) ghar mein bhi gham hai
Sadqe meri bibi ke nijaat tumko diladay
Aye baarwe moula mera imaan jaga day
10) Aulad sey mahroom hai bhurti hai jo aahein
Behney woh pakad kar karein duleh ko duaaein
In logon ke gulshan mein bas ab phool khiladay
Aye baarwe moula mera imaan jaga day
11) Jinka nahin imaan imamat pey bharosa
Woh asl mein detey hai (alijeer) ko dhoka
Kya hukm-e-Nabi hai tu inhein aaake sunaday
Aye baarwe moula mera imaan jaga day
|