Amma
Aaye faras ki zeen se, jab khaak par Hussain
Maadar ka chehra dekh ke karne lage ye bain
Ammaa
May thak gaya hun maan
Apni aaghosh me kuch der, sulaalo ammaa
May thak gaya hun ,ye laashe, uthaake aey ammaa
Kitne neze hain mohammad ke, nawaase ke liye
Qatl se pehle zara der, dilaase ke liye
Apne mazlum ko seene se, lagaalo ammaa
May thak gaya hun, ye laashe, uthaake aey ammaa
Qatl abbas ka hojana, qaza thi meri
Barchhi Akbar ko nahin mere, kaleje me lagi
Gham ki barchhi mere seene se, nikaalo ammaa
May thak gaya hun, ye laashe, uthaake aey ammaa
Ab mere khun ka pyaasa hai, ye jangal saara
Koyi is dasht me naasir bhi, nahin hai mera
Ho sake to mere ghazi ko, bulaalo ammaa
May thak gaya hun, ye laashe, uthaake aey ammaa
Halq sookha hai kaleeje may, dukhan hoti hai
Reyt zakhmon me jo jaati hai, chubhan hoti hai
Apni chaadar ko mere zakhmon, pe daalo ammaa
May thak gaya hun, ye laashe, uthaake aey ammaa
Dekh ke aun o mohammad ko, sare dashte bala
Dil yun tukre huwa jis tarha,badan qaasim ka
Mere is tute huwe dil ko, sambhaalo ammaa
May thak gaya hun, ye laashe, uthaake aey ammaa
Koyi sar par nahin gham kis ko, sunaaye muztar
Baad may meri zainab ki, chhinegi chaadar
Meri zainab ko ujarne se, bachaalo ammaa
May thak gaya hun, ye laashe, uthaake aey ammaa
Ye jo "farhan" ke "mazhar" ke, labon par hai buka
Keh rahe the dame zib’ha ye, shahe karbobala
Zere khanjar hun nigaahon ko, hataalo ammaa
May thak gaya hun, ye laashe, uthaake aey ammaa
|