Maa bulati hay aa aey Hussain
Efforts: Syed-Rizwan Rizvi

Haye Bistare se thar tharaa ke uthhi thaam kar asaa,
Qabr-e-nabi pe fateha-e-aakhri parha,
Hum saaiyon ke ghar gayi rukhsat ko aur kaha
Eiza thi tum sabhon ko mere shaur-o-shain se,
Kal Fatema na hogi so owege tum chain se

Nagahh showr utha ke Zehra guzar gayin,
Amama sar se phaink ke rowe imaam-e-deen
Roti thi milke Zainab-o- kulsum thi qarib,
Aur door se Hussain rotethe khare,
Fizza pukari aap yahan kya na aayenge,
Bole Hussain amma pukare to jaayenge

Tute bande kafan Fatema ke
Aur phir haath nikle kafan se,
Aayi aawaz aa aey Hussain,
Maa Bulati hai aa aey Hussain

Aeye Shabbir Zehra ke lab yu hile (x2)
Chakiyaan pees ke maine palaa tuje,
Aa mere laal aa maa ke laag ja gale,
Wakt-e-ruksat hai aise nahi ruth te
Maa bulati hai aa aey Hussain (x2)
Aa mere paas aa aey Hussain (x2)

Teri khaatir mein jaa kar palat aayi hun,
Dekh kar tere aansu mein ghabrayi hun,
Dekh zere kafan gham se tharayi hun,
Tujh ko behlaane jannat se mein aayi hun
Maa bulati hai aa aey Hussain (x2)
Aa mere paas aa aey Hussain (x2)

Aa mere laal aa aik ye kaam kar,
Mere seene pe kuch dair aaram kar,
Tu to chalta tha ungli meri thaam kar,
Yaad woh subho kar yaad woh shaam kar
Maa bulati hai aa aey Hussain (x2)
Aa mere paas aa aey Hussain (x2)

Tu ne khaana bhi khaaya ke khaaya nahin,
Kehde maa se ke aaj tu pyaasa nahi,
Subh se muh kisi ne dhulaya nahi,
So gayi mein tujhe kyun sula ya nahi
Maa bulati hai aa aey Hussain (x2)
Aa mere paas aa aey Hussain (x2)

Daste Zainab mein phir deke daste Hussain,
Boli Zahra kafan mein basad showr o shain,
Dekh Zainab meri laadli noor e ayn,
Ye jo roya to Zahra na paayegi chain
Maa bulati hai aa aey Hussain (x2)
Aa mere paas aa aey Hussain (x2)

Jaaiyo saath iske ye jaaye jidhar,
Mere bachay ki Zainab hai tu humsafar,
Karbala ka musafir hai mera pisar,
Gham ki badli na chaaye mere chaand par
Maa bulati hai aa aey Hussain (x2)
Aa mere paas aa aey Hussain (x2)

Haaye Karbobala mein wo din aagaya,
Shimr ka halqe Sarwar pe khanjar chala,
Amma Amma ki aane lagi jab sada,
Baal bikhrake Zehra ne ro kar kaha
Maa bulati hai aa aey Hussain (x2)
Aa mere paas aa aey Hussain (x2)