Do sabir hin kainat andar
Efforts: Syed-Rizwan Rizvi

دو صابر ہیں کائنات اندر اک عابد اک شبیر اے
اک بھینڑاں سامنے قتل ہویا اک بھنیڑاں نال اسیر اے


اک لاش اٹھا کے اصغر دی کر نبیاں نوں حیران گیا
اک چک کے لاش سکینہ دی اتے لبدا قبرستان رئیا
بڑی مشکل نال ہے دفن کیتے اک پتر تے اک ہمشیر اے


اک نیزے تے غم کردا اے زینب دی پردے داری دا 
کربل توں لے کے شام تائیں نئیں رُکیا خون مہاری دا
دو واں پیو پتراں نے ویکھی اے دکھی زینب دی تشہیر اے


مظلوم حسین نوں کربل وچ چپ غازی ویر دی کھا گئی اے
بازاراں تے درباراں وچ سجاد نوں خون رواگئی اے
او برقعے منگدی شامیاں توں جدے گھر اتری تطہیر اے


جیڑے کربل تیرے سینے تے سجدے سادات نے کیتے نیں
زہرا دے پاک گھرانے دے توں خون دے آنسو پیتے نےں
تو خاک توں بنڑ گئی خاکِ شفا تیری بدل گئی تقدیر اے


اسلام نوں حسن بچاونڑ لئی شبیر نے سب کج وار دتا
کج زخمی بال تے پھپھیاںنال بیمارسجاد جہاد کیتا
کھلے ہتھ شبیر دی فوج دے سن سجاد دی فوج اسیر اے