Jain wailay da jhanrr gaye Akbar
Efforts: Faisal Safeer - Sargodha

جیں ویلے دا جھنڑ گئے اکبر ؑ نبوی آزان سنڑاکے 
آزان گواہ اُوں ویلے دا پیوٹردے قمر نواکے
 
اکبرؑ دی موت مکاچھوڑئے کنڈاں اِتھ جھنڑدے کنڈاں اُتھ 
محرومہ امڑی وانگ سید ڈوہیں ہتھ پاسے تے لاکے
 
کُج لحظہ پہلے ڈسدا ہا ہنڑگم تھئی گئے وچہ نیزیاں دے 
میکوں پُتر دا لاشہ گول ڈیو ودا رو رو سید اے آکھے
 
تیڈے اکبرؑ دا ارمان ہے بہوں کیویں پُتر دی لاش کوں چیسے توں 
کھڑا ملکل موت ہائے روند ا ہا شبیر ؑ دے گل باہیں پاکے

قسمت مظلوم مُسافر دی ہائی حسرت پُتر دی شادی دی 
بہوں دیر روناشاہ اکبرؑ دا ہائے تحت الحنک ولاکے

جنڈاں لاش اکبرؑ تے پُہنچاہا مظلوم حسینؑ اے آدھا ہا
میکوں کُج نیں ڈسدا اکھیاں چوں ٹُر ا اکبرؑ مس چمواکے
 
جیں سال آٹھاراں پالیا ہا تیکوں اپنڑیں برقعے وچہ اکبرؑ 
تیڈے جھنڑن دا سنُڑکے روندی ہے ہائے در خیام تے آکے
 
ودا پوچھدے پُتر دے قاتلاں ڈسوکہیڑی جاہ تے جھنڑگیاء ہے 
ہم شکل رسول ؐ دا مقتل وچہ ہا ئے جگر تے برچھی کھاء کے
 
فیصل مظلوم حسین ؑ اُتے ایں توں ودھ غربت کیا ہوسی 
چُپ کرکے ٹُرپئے خیمعاں دوں شاہ لاش اکبر ؑ دی چاکے