Jadan Ghazi jhanrya zeen toon
Efforts: Syed-Rizwan Rizvi

جنڈاں غازی جھنڑیاں زین اُتوں ہائے منڑدریاجبریل آدھے
اُوں ویلے لہے لہے ویندی ہائی ہر پاک ردا جبریل آدھے

عباسؑ دا قاتل خیمعاں دوں پیا ء آندے بُرقعے لُٹنڑکیتے
سجاد ؑ دی کنڈپچھوں آنڑ لُکی ہر ہک زاہراؑ جبریل آدھے

اصحاب رسول ؐنے یشرب و چہ جیویں در تطہیر جلایا ہا
میں آپ ڈیٹھی ہے جلدی ہوئی اُنویں خیمگاہ جبریل آدھے

جیندی امڑی دے حق مہر دے وچہ اے کل تارے دریا سارے
اُوہا پُتر بتول ؑ دا مقتل وچہ کُس گئے پیاساجبریل آدھے

ہتھ رسیاں پاکے ٹُر پئی اے چادر لٹوا کے ٹُر پئی اے
ہائے بھین آٹھاراں ویراں دی آج شام دے راہ جبریل آدھے

میں آپ سُنڑیں وچ مقتل دے ہک بہے کوں شامی آدھے ہن
جیویں دل آدھے اُنویں زینب ؑ دا لُٹ لو برُقعہ جبریل آدھے

ہر سین دے وین بلند تھی گئے سجاد ؑ دے اکھیاں بند تھی گئے
سجاد ؑ سکینہ نیں لبھدی وچہ مقتل گا ہ جبریل آدھے

اُنوں غازی جھنڑیاں زین اُتوں اِنوں لُٹ پے گئی خیام دے وچہ
کوئی چادراں آنڑ بچاوے آکھے سین فضا جبریل آدھے

ہنڑاپنڑیں اپنڑیں چادر دی ہر سین ہنڑ آپ محفظ ہے
میڈا جھنڑگیہ ء ضامن پردیاں دا آکھے عون ؑ دی ماں جبریل آدھے

فیصل شبیر کو ں باہج کفن زینب ؑ کوں ڈیکھ کے باہج ردا
سرسانگ تے نیں ہسوار تھیاء ہا ئے غازی دا جبریل آدھے