Aap se wada hay ye khoonay shaheedan ki qasam
Efforts: Syed-Rizwan Rizvi

wo waqt kabhi to ayega Zehra(A) ki dua k saye main
Mehdi(a) ka alam lehraye ga - wo waqt kabhi to ayega
tarikh k chehray per jitnay - parday hain utha daingay ik din
matam ki sada e peham say - duniya ko jaga daingay ik din
hay khamnayee rehmer apna - uncha hi rahay ga sar apna

Aap say wada hay ye khoon e shaheedan ki qasam
raigan janay na daingay maqsad e qurbani hum

sar nigon honay na daingay parcham e abbas ko
ik azakhana banadaingay dil e hassas ko
ta zahoor e mehdi e doran khud apnay khoon say
hum bujhain gay zaminay karbala ki piyas ko

misl aqaye madina(S) har sitam sehtay huay
deen ko phlaingay had e sharha main rehtay huay
kufr ka sar katnay ko sabr ki talwar say
janib e maqtal barhaingay YA ALI kehtay huay

jab bhi uthay ga kahin batil ki bayet ka sawal
ahl e haq kardaingay batil k liyen jina muhal
yaad rakhay ga zamana jisko roz e hashr tak
karbala e fikr ki qayam karaingay wo misal

yad hay wo roz e ashura shah e din ka khitab
wo sawal e aab wo qatil ko asghar ka jawab
bhool sakti hi nahi ahlay haram ki bebasi
ek ek zulm o sitam ka laingay gin gin k hisaab

qutelal hussain o bekarbala - zebehal hussain o bekarbala
haye sehra e karbala main hussain piyasay zibah huay
haye sehra e kabala main hussain piyasay shaheed husay

goonjtay hain aj bhi maqtal main ik bibi k bain
kistarhan ayega merey laal tujh bin maan ko chain
khoon rulaye gi mujhay ta hashr teri bekasi
ay meri aghosh k palay merey piyasay hussain

nok e neza per junhi dekha sar e shah e anaam
syed e sajjad k honton pay aya ye kalam
assalam ay kushta e tegh e jafa mola hussain
assalam ay tishna lab shah e shaheedan assalam

haye wo sham e ghariban wo hujum e bekasi
lut rahay thay jal rahay thay khema e al e naibi(S)
karbala k dasht main tha ek mehshar sa bapa
har taraf thi wa hussaina ki sada goonji hui

uth raha tha jab khayam e al e athar say dhwuan
ek bachi thi akeli janib e maqtal rawan
nagahan ik sar buridah lash say ayee sada
ay sakina aa mere sinay pe soja meri jan

parcham e abbas k saye main hum ahlay aza
ta qayamat kam na honay daingay toqir e bapa
Q na dekhain mot ki ankhon main ankhain daal kar
apna wirsa hay shahdat apni manzil karbala

ap say wada hay ye khoonay shaheedan ki qasam
raigan janay na daingay maqsad e qurbani hum