Bibi Zehra yeh dua hay aap ke darbar may
Efforts: Syed-Rizwan Rizvi



يا فاطمہ ام ابيھا بنت پیعمبرۖ خیرالنساء
یا زہراؑ یا زہراؑ
تو ہے صدیقہ تو طاہرہ اور تو ہی شفیع روز جزا
اے میری بی بی وقت مدد ہے ہر ماتمی کے دل کی صدا ہے

بی بی زہراؑ یہ دعا ہے
آپ کے دربار میں
بی بی زہراؑ یہ دعا ہے

دست دعا کو جب بھی اٹھایا
مانگا ہے تیری چادر کا سایہ
وقت مصیبت میں ہر حسینی
بس نام تیرا ہونٹوں پہ لایا
اے میری بی بی تنگ دست ہوں میں
یہ کہہ کے دامن پھیلا دیا ہے

بی بی زہراؑ یہ دعا ہے
آپ کے دربار میں
بی بی زہراؑ یہ دعا ہے

وہ بی بی جس کی ہے گود خالی
چوکھٹ پہ تیری ہے وہ سوالی
مجھ کو بھی دے دے اصغر کا صدقہ
میں نے تیرے در سے لو لگالی
اے میری بی بی جن گودیوں میں
اولاد ہے وہ تیری عطا ہے

بی بی زہراؑ یہ دعا ہے
آپ کے دربار میں
بی بی زہراؑ یہ دعا ہے

جو مائيں بہنیں بے آسرا ہوں
فرش عزا پر محو بکاہ ہوں
تو ان کے پردوں کی لاج رکھیو
جو تیری زینب کی ذاکرہ ہوں
اے میری بی بی زندہ رہے وہ
بھائ جو بہنوں کا آسرا ہے

بی بی زہراؑ یہ دعا ہے
آپ کے دربار میں
بی بی زہراؑ یہ دعا ہے

جو طفل رو کر پڑھتے ہیں نوحہ
ہر آٹھویں کو بنتے ہیں سقہ
ہر روشنی کی ہیں یہ ضمانت
یہ ہیں چراغ بزم عزاء
اے میری بی بی بجھنے نہ پائيں
عون و محمد کا واسطہ ہے

بی بی زہراؑ یہ دعا ہے
آپ کے دربار میں
بی بی زہراؑ یہ دعا ہے

جو اپنے بیٹوں کا بھول کر غم
کرتی ہوں تیرے اکبر کا ماتم
ان ماؤں کو تو دے صبر بی بی
وہ پھر نہ دیکھیں اولاد کا غم
اے میری بی بی اس ماں کو کوئ
غم نہ ہو جس کو یہ غم ملا ہے

بی بی زہراؑ یہ دعا ہے
آپ کے دربار میں
بی بی زہراؑ یہ دعا ہے

ہے یاد اب تک پر درد منظر
پیاسے کی گردن ظالم کا خنجر
ہم تیرے پیاسے بیٹے کا صدقہ
یوں مانگتے ہیں فرش عزا پر
اے میری بی بی آباد رکھنا
وہ گھر کہ جس میں فرش عزا ہے

بی بی زہراؑ یہ دعا ہے
آپ کے دربار میں
بی بی زہراؑ یہ دعا ہے

شبیر کی وہ مظلوم دختر
زندان سے جو نہ جا سکی گھر
صدقے میں اس کے ہم پر کرم کر
بے جرم قیدی کہتے ہیں روکر
اے میری بی بی اب یہ اسیری
ہو ختم عابد کا واسطہ ہے

بی بی زہراؑ یہ دعا ہے
آپ کے دربار میں
بی بی زہراؑ یہ دعا ہے

عرفان و مظہر یہ چاہتے ہیں
مل جاۓ ہم کو بس یہ سعادت
جو آخری ہے حجت خدا کی
ہو جاۓ ہم کو اس کی زیارت
اے میری بی بی یہ بات وہ ہے
جو ہر حسینی کی التجا ہے

بی بی زہراؑ یہ دعا ہے
آپ کے دربار میں
بی بی زہراؑ یہ دعا ہے