Bolay padar se Akbar barchi na khainchna
Efforts: Mrs. Nighat Rizwan



بولے پدر سے اکبرؑ برچھی نہ کھینچنا
ہے جان اب لبوں پر برچھی نہ کھینچنا

بابا نظر کو پھیر لو دم ٹوٹنے لگا
برچھی کے پھل سے خون ہے دل کا رکا ہوا
اُبلے گا خوں زمیں پر برچھی نہ کھینچنا

میں نے تمہیں بلایا تھا تاکہ میں کہہ سکوں
بالکل نہ غم کرو میرے دل کو ہے اب سکوں
بیٹھے رہو یہاں مگر برچھی نہ کھینچنا

اماں کو یہ خبر نہ ہو میرے سِنا لگی
غش آگیا ہے بس ذرا شدت تھی پیاس کی
میں آرہا ہوں چھاؤں کر برچھی نہ کھینچنا

بولے حسینؑ باپ کو بہلا رہے ہیں آپ
معلوم ہے کہ یاں سے کہاں جا رہے ہیں آپ
کہتے ہو منہ کو پھیر کر برچھی نہ کھینچنا

سانسیں اکھڑ رہی ہیں تو مدھم ہے نبض بھی
کرتے ہو آہ ہم کو ہے تاکید صبر کی
کہتے ہو تھام کے جگر برچھی نہ کھینچنا

اکبرؑ پکارے باپ سے دل کو سنبھالئے
ٹوٹی سناں کلیجے میں رہنے ہی دیجئے
نکلے گا ساتھ میں جگر برچھی نہ کھینچنا

مولا ؑ نے یاعلیؑ کہا دل کوسنبھال کر
پھر خود ہی لڑکھڑا گئے برچھی نکال کر
کہتا رہا جواں پسر برچھی نہ کھینچنا

ریحان ساتھ برچھی کے دل بھی نکل پڑا
پڑھتے رہے حسینؑ بھی تا دیر مرثیہ
مان کہتی آئی ننگے سر برچھی نہ کھینچنا

Bolay padar se akbar barchi na khaynchna
hai jaan ab labon par barchi na khaynchna

baba nazar ko phayr lo dum tootne laga
barchi ke phal se khoon hai dil ka ruka hua
ubhlega khoon zameen par barchi na khaynchna
bolay padar se akbar....

maine tumhay bulaaya tha taake mai keh sakun
bilkul na gham karo dil ko hai ab sukoon
baithe raho yahan magar barchi na khaynchna
bolay padar se akbar....

amma ko ye khabar na ho mere sina lagi
ghash aagaya hai bas zara shiddat ki pyas ki
mai aa raha hoon chaoon kar barchi na khaynchna
bolay padar se akbar....

bolay hussain baap ko behla rahe hai aap
maloom hai ke yan se kahan ja rahe hai aap
kehte ho moo ko phayr kar barchi na khaynchna
bolay padar se akbar....

saansein ukhad rahi to madham hai nafz bhi
karte ho aah humko hai takeed sabr ki
kehte ho thaam ke jigar barchi na khaynchna
bolay padar se akbar....

akbar pukare baap se dil ko sambhaliye
tooti sina kaleje may rehne hi dijiye
niklega saath may jigar barchi na khaynchna
bolay padar se akbar....

maula ne ya ali kaha dil ko sambhaal kar
phir khud hi ladkhada gaye barchi nikaal kar
kehta raha jawan pisar barchi na khaynchna
bolay padar se akbar....

rehan saath barchi ke dil bhi nikal pada
padthe rahe hussain bhi ta dayr marsiya
maa kehti aayi nange sar barchi na khaynchna
bolay padar se akbar....