Sheh ne Zainb se kaha maqtal may tum aana nahi
Efforts: Syed-Rizwan Rizvi

Sheh ne Zainab se kaha maqtal may tum aana nahi
Aey behan khanjar talay bhai ko tadpana nahi

Chup gaye thay is tarha teeron may sartapa hussain
aaye qaime may to ghar walon ne pehchana nahi
Sheh ne Zainab se....

Dekhte milta hai kab tak laashe sarwar ko kafan
waadiye ghurbat may koi apna begana nahi
Sheh ne Zainab se....

Sheh ko seene se lagakar khuld may bolay rasool
kya meri ummat ne beta tujhe pehchana nahi
Sheh ne Zainab se....

Qabr may moo choom kar baysheer ka bolay Hussain
hum bhi aate hai abhi ay laal ghabrana nahi
Sheh ne Zainab se....

Qais jis bekas ke matamdar kal hote thay khaar
aaj unka kis jagah dekho azakhana nahi
Sheh ne Zainab se....