Rooh e shabbir
Efforts: Sirajali chennai

Rooh e shabbir woh manzar to bata.
Jab huyi shehre madina se judai hogi .
Yeh to zenab hi bata sakti hai .
Laut kar kese madiney may woh aayi hogi . 

Kar ke Rozey ki taraf cherha yeh boley shabbir 
Ham rahey ya na rahey nana huzur.
Hashr takk aap ki ummat ki bhalai hogi .Rooh e shabbir ...

Lash Akber ki utha laye jo Khemo may Hussain.
Umm e Laila hi bata sakti hai .
Kis Gazab ki woh Qayamat thi jo tutti hogi . Rooh e shabbir ...

Jaltey khemo may zhulasti huyi sakina masum.
Ae , Falak tu ne yeh kese dekha .
Turbat e zahra madiney may dahalti hogi . Rooh e shabbir ...

Rakh ke lasho ko kataro may yeh boley shabbir .
Tu jo Razi hai to Ham Razi hai .
Sar e Taslim ke teri yehi marzi hogi .  Rooh e shabbir ....

Ho ke Taiyyar chaley shah jo Maqtal ki taraf . 
Yeh sakina ko koi ja dekhe .
Kis Tarah Ghodo ki Tango se woh lipti hogi .   Rooh e shabbir ...

Mujh ko bhi hashr may rakhna Tu Ghulamo may Hussain . 
Teri raho may parra hoga kahin .
Aas Ek Nazar e Inayat ki lagai hogi .. Rooh e shabbir ...