Nabi ke baad ali ko..
Efforts: Sirajali

Nabi ke baad ALI ko sataya janey laga . 
Galey may bandh , ke rassi phiraya janey laga .

Fidak to cheen liya hai , rasool zadi se .
Na janey kyun Dar e zehra ,Giraya janey laga .  NABI KE BAAD...

Hassan Hussain ke sar par jo tha Falak ki tarah .
Jahan se Abre karam ka woh saya janey laga .   NABI KE BAAD ....

Malukiyat ke jahan may , Farogh ki khatir . 
Hassan ko zehrey Hila Hal pilaya janey laga . NABI KE BAAD ....

Jahan pe Ahle sakifa ki khul gayi Saazish .
lahu jab Aal e Aba ka bahaya janey laga .  NABI KE BAAD ....

Mere Nabi ki shariyat bhi khoon royi jab .
Namaz e Asr pe khanjar chalaya janey laga . NABI KE BAAAD ....

Gareeb e Zahra ka lasha , Karenge ab pamaal .
Tamam Lasho ko Run se uthaya janey laga . NABI KE BAAD ...

Saja ke Beriyan Aabid ke jisam par logo . 
Ushey bhi kodo se paidal , chalaya janey laga , NABI KE BAAD ....

Imam e Waqt ki Aankhon se khoon rawan tha idhar .
Ali ki Beti ko jab sham laya janey laga . NABI KE BAAD .....

ASIF RAZA KHAN .