Chehlum jo Karbala may bahattar ka ho chuka
Efforts: Syed-Rizwan Rizvi

1. Chehlum jo karbala mAey Bahattar ka ho chuka
   Paewand bekason key tan-o-ser ka ho chuka
   Aur Fatiha Hussain key lashkar ka ho chuka
   Qabron pa shor Aal-e-PAeyambar ka ho chuka

   Maatam mein teen roz rahey shor-o-shain sAey
   Roye lipat lipat ke mazaar-e-Hussain sAey

2. Misley CharaghAey gor ghareeban pe dil jalaAey
   Phoolon ke badlAey qabron pe laqtAey jigar charhaAey
   Pyaaron ki boond-o-bash ke saman jo yaad aAey
   Besakta pukarAey kalejey parkhar ke haAey

   Hai hai wo parda daar hamarey kidhar gAeye
   Bey parda hokey Aal-e-Nabi dar badar gAeye

3. Maqtal ke aas paas ye Beywon ki thi fughaan
   Zainab jabeen lahad pe dharAey karti thi bAeyaan
   Aey mere Karbalaee Baradar Hussain jaan
   Humsheer teen din sey tumhari hai mehmaan

   Allah meri baat bhi poochi na aapne
   Zindan ki waredaat bhi poochi na aapne

4. Raazi hoon jo raza-e-Imaam-e-Jaleel hai
   per khabiley mulahiza baazu ka neel hai
   Na koee daad ras hai na koee kafeel hai
   Bhaee baghair aapke Zainab zaleel hai   

   Pusht-o-panah uth gAeya beykhanuma huwi
   Dekho ye pusht khabiley nokey sina huwi

5. Mein jaanti thi sheher basa hoga Bhaee ka
   Hoga hujoom qabr pa saari Khudaee ka
   Chehlum karoongi dhoom sey mai Karbalaee ka
   Pursaa bhi yaan koee nahi Zehra ki jaee ka

   Moonh dhaanp ne ko aap hi palla bhi leti hoon
   aur apne dil ko aap he pursaa bhi deti hoon

6. Chehlum tu kar chuki mai dilafgaar Ya Hussain
   Ab Roza ki tarha se ho tAeyyar Ya Hussain
   Beta bhi hai aur Bahan bhi hai nadaar Ya Hussain
   Akhir kabhi tu aaengAey Zawwar Ya Hussain

   Takya hai kaar saaz ye parwar digaar per
   Iss dam tu saAeyebaan bhi nahi hai mazaar per

7. Zainab pukari kooch ka samaan hogAeya
   phir shahar mere Bhaee ka sunsaan hogAeya
   Aur Maqbara Hussain ka sun-saan hogAeya
   Hoo ka maqam qatl ka maidaan hogAeya

   Aa ee musafiron ko mere woh zameen pasand
   Dunya mein iss zameen ko basti nahi pasand

8. Aey Karbala-e-Sarwar-e-Dilgeer alweda
   Aey Qatlgah-e-Hazrat-e-Shabbir alweda
   Aey Qabr Ibn-e-Saheb-e-Tatheer alweda
   Aey Bhaee jaan jaati hai Hamsheer alweda

   Kya bey naseeb hai ye nawasi Rasool ki
   Tum ney mujaveri na hamari khabool ki

9. BhAeyya utho kajavey mein mujhko tumhee bithao
   BhAeyya mein bey Naqab hoon rah geeron ko hatao
   Rokey khanaat Akber-o-Abbas ko bulao
   Khali hai godh Bhabi ki Asgher ko lekey aao

   Sardar sarAey qafiley ki aagey hotey hein
   Taeyyar karwan huwa aur aap sotey hein

10. Kabse tumhey pukaar rahi hoon mein khasta tan
    Hai hai jawab bhi nahi dete Shahe Zaman
    BhAeyya galAey lagalo tu jaaoon suye watan
    Aa ee nida sidharo Khuda hafiz Aey bahan

    Sughra ko meri simt sey bhi pyaar kijiyo
    Hoga sawab khatirey bimaar kijiyo