Abid(a.s.) utha rahay hain apni behan ka lasha
Efforts: Syed-Rizwan Rizvi

Abid utha rahein hein apni bahan ka laasha
Zindaan-e-Shaam mein ab ek hashr sa hai barpa

1. Godi hai jiski sooni ujra suhaag jiska
   Karbal mein so raha hai jis Maa ka jhoole wala
   Uss Maa ke dil ko kaese dega koee dilasa
   Abid utha rahein hein apni bahan ka laasha

2. Abbas ki bhateeji paiham tamachey khaake
   Aaee thi Karbala se zulm-o-sitam uthaake
   Khamosh hogaee kuen rudaad-e-gham sunaake
   Abid utha rahein hein apni bahan ka laasha

3. Baba ko yaad karke roney bhi wo na paaee
   Seena kahan se milta soney bhi wo na paaee
   Zakhmon ko ansooyon ko dhoney bhi wo na paaee
   Abid utha rahein hein apni bahan ka laasha

4. Rukhsaar neelgoon hai kurta phata huwa hai
   Kanon se khoon hai jaari zakhmon ka silsila hai
   Har naaz uthane wala karbal mein so raha hai
   Abid utha rahein hein apni bahan ka laasha

5. Beemar-e-Karbala per tooti naee musibat
   Nanhi si laash per kya hasrat baras rahi hai
   Hoti hai dafn beti Maa dekhti khari hai
   Abid utha rahein hein apni bahan ka laasha

6. Ek aakhri wasiyat Bhai se usne ki thi
   Lekin wasiyat uski poori na hone paee
   Zidaan hi mein Rasheed ab turbat baney gi uski
   Abid utha rahein hein apni bahan ka laasha