Asghar ka janaza
Efforts: Syed-Rizwan Rizvi



Asghar ka janaza Asghar ka janaza

Ay momino jab khoon me duba huwa aaya
Asghar ka janaza Asghar ka janaza x2

1) Shabbir ne ek maa se use kaise chupaaya
   Asghar ka janaza Asghar ka janaza x2

2) Hatho pe janaza Ali Asghar ko utha kar
   Rukh suwe falak karke sada detay thay sarwar
   Allah yehi hadya e aakhir hai hamara
   Asghar ka janaza Asghar ka janaza x2

3) Chehre pe mere khoon hay mere guncha dahan ka
   Murjaya hai ye phool Muhammad kay chaman ka x2
   Ay nana tere deen pe karta hu may sadqa
   Asghar ka janaza Asghar ka janaza x2

4) Sangdil tha layeen bachay pe kuch rahm na khaaya
   Pani ke talab karne pe khoon uska bahaya x2
   Islam ko ab hashr talak kar gaya zinda
   Asghar ka janaza Asghar ka janaza x2

5) Jab rat ko maa apnay tasawur ko jagati
   Awaz use jhule ki nauha ye sunati x2
   Kya bhool gaye hatho pe Sarwar ke jo dekha
   Asghar ka janaza Asghar ka janaza x2

6) Maa kehti thi ay goad ke paale Ali Asghar
   Thi aarzu dekhoon gi may sehra tere sar par x2
   Kyun waqt ne mujh kokh jali ko hay dikhaya
   Asghar ka janaza Asghar ka janaza x2

7) Yad aa gaya zindaan me jo bhayya ka humakna
   Sajjad se tab kehne lagi bali Sakina x2
   Kya kha ke taras dhoom se logo ne uthaya
   Asghar ka janaza Asghar ka janaza x2