HUSSAIN HE , HUSSAIN HE Efforts: KALAAM: SAYYEDI AYAZ MUFTI - HOUSTON USA

ہزج مثمن مقبوض…مفاعلن مفاعلن مفاعلن مفاعلن وقار ہے جو دین کا ، حسین ہے حسین ہے جو ہے بِنائے لا الہ ، حسین ہے حسین ہے وہ چھاؤں صبر کی تنی، کڑی سِتم کی دھوپ میں وہ فاطمہ کا لعل ہے علی کے رنگ و روپ میں جو ہو بہو ہے مصطفی ، حسین ہے حسین ہے نماز سجدہ اور اذاں ، سبھی کو تجھ پہ ناز ہے نبی رسول اور خدا کو حس حسیں پہ ناز ہے ہاں وہ حَسینِ کربلا حسین ہے حسین ہے وہ جس نے تیغ ظلم کی ، گلے سے اپنے کاٹ دی وہ جس کی پیاس نے سبیل ِصبر سب میں بانٹ دی ہاں وہ کرم کی انتہا حسین ہے حسین ہے وہ زیر ِ خنجر و سِناں ، جھکا خدا کے سامنے وہ جس کو آئے مجتبیٰ و مرتضیٰ بھی تھامنے وہ جس کو تھامیں مصطفی حسین ہے حسین ہے TAQTEED-11/10/2015 وہ دست و بازو ئے علی ، نبی کا وارث و امیں امام شرق و غرب بھی ، وہ ذی وقار بالیقیں نبی نہیں نبی نما ، حسین ہے حسین ہے وہ حوصلہ یقیں مرا ،کوئی ہو امتحاں کڑا ، وہ صبر ِ کی چٹان ہے وہی ہے شاہ دیں پناہ ہے صبر کا جو تر جو ما حسین ہے حسین ہے حسین و منی و انا من الحسین کا خطاب وہ جس کا سجدا کر گئے تمام سجدے لاجواب نازِ علی اے مرتضیٰ ، حسین ہے حسین ہے فخر ِ علی اے مرتضی ، حسین ہے حسین ہے وہ روشنی ہے نور ہے ، ہو تیرگی جو چار سو کہ دورِ پر فتن میں ہے امام ہی صدائے ہو جو خوں سے دین کو دے جِلا، حسین ہے حسین ہے وہ نورِ مصطفی بھی ہے ، وہ حُسنِ مصطفی بھی ہے وہ نورِ عین فاطمہ ہی نورِ مرتضی بھی ہے جو وقت کا امام ہے ، حسین ہے حسین ہے