Kaash may doar-e-Payambar may uthaya jaata Efforts: Syed-Rizwan Rizvi

Kaash may doar-e-Payambar may uthaya jaata Ba Khuda qadmo may Sarkar ke paaya jaata Sath Sarkar ke ghazwaat may shaamil hota Un ki hasrat may lahoo mera bahaya jaata Rait ke zarron may Allah badal deta mujhe Phir mujhe raah-e-Muhammad may bichaya jaata Khaak ho jata may Sarkar ke qadmon ke talay Khaak ko khaak-e-Madina may milaya jaata Aey kaash may hota koyi aisi lakrri Jis ko Sarkar ke mimbar pe lagaya jaata Bun ke le jaata mujhe naat ke shairon may koi Ru baroo un ke may un ko hi sunaya jaata Un ke rozay ke dar-o-baam sajanay ke liye Rozano may meri ankhon ko lagaya jaata Ghass hi hota Madinay kay gali koochon ki Aur Sarkar ke naaqay ko khilaya jaata Laaya jaata sar e darbar aseeron ki tarha Hukm par un ke may aazad karaya jaata Hota us doar ka qissa koi Noor o Farhan Aaj ke doar may bachon ko parrhaya jaata (Noor Ali Noor)