Ishq ko husn ke andaz sikha lun to chalun Efforts: Syed-Rizwan Rizvi

Ishq ko husn ke andaz sikha lun to chalun Manzar e Kaaba nigahon me basa lun to chalun Apne Mahboob e Haqiqi ko mana lun to chalun Apni bigri hui har baat bana lun to chalun Kheenchta hai abhi qadmon ko mutaaf e Kaaba Pyaas talwon ki abhi aur bujha lun to chalun Kar lun ek baar zara phir se tawaaf e Kaaba Rooh ko raqs ke andaz sikha lun to chalun Dar e Kaaba se phir ek baar lipat ker ro lun Aur kuch ashk nadaamat ke baha lun to chalun Choom lun barh ke phir aik baar ghalaaf e Kaaba Tashnagi honton ki kuch aur bujha lun to chalun Ishq ko husn ke andaz sikha lun to chalun Manzar e Kaaba nigahon me basa lun to chalun