Aas tum se hay hayat tum se hay
Efforts: Syed-Rizwan Rizvi

Aas tum say, hayat tum say hai 
Meri kul kaynaat tum say hai 

Noor-e-awwal ho tum hi khilqat mein 
Noor-e-aakhir ki zaat tum say hai 

Tum ho khair-e-bashar, madinay-e-ilm 
Saum tum say, salaat tum say hai 

tazmeen 

Shafay-e-muznabeen, aey aaqa 
Aasiyon ki najaat tum say hai

Faasla hai faqat kamanon ka 
Shab-e-asra jo baat tum say hai 

Guftagu hai ye kis kay lahjay mein 
Pas-e-parda jo baat tum say hai 

Harf-e-awwal bhi tum ho aakhir bhi 
Aalam-e-shash jehaat tum say hai 

Madh mumkin nain shah-e-lau laak 
Khilqat-e-kayenaat tum say hai 

Deen-e-islam ki ragon mein lahu 
Bankay aab-e-yahaat tum say hai 

"Aamanu" hai wilayat-e-haider 
"Amelus salehaat" tum say hai 

Meray aaqa meray karam farma 
Meri banti hi baat tum say sai 

Kyun kahey mir bar sar-e-mahfil 
Jo bhi hai bas wo baat tum se hai