Efforts: Syed-Rizwan Rizvi
میں اسطرح سے ہوں یا رب تیری ثناء کے بغیر
کہ جیسے جی نہیں سکتا کوئی ہوا کے بغیر
نہ مجھ سے نعت کا اِک لفظ بھی رقم ہوتا
خدائے آلِ محمدؑ تیری عطا کے بغیر
قسم خدا کی ادھوری کتاب لگتی تھی
بیاض شعر مجھے نعتِ مصطفیٰؐ کے بغیر
نہ میری حمد مکمّل ہے مصطفیٰؐ کے بغیر
نہ میری نعت مکمّل ہے مرتضیٰؑ کے بغیر
وسیلہ آلِ نبیؐ کا نہ ہو تو رہتے ہیں
دعا اثر کے بغیر اور اثر دعا کے بغیر
فقیرِ شاہِ نجفؑ ہوں کوئی مذاق نہیں
ہمیشہ ملتا ہے مجھ کو میری صلاح کے بغیر
سکون ملتا نہیں مصطفیٰؐ کو اور کہیں
اے شاہزادئیِ عالم تیری ردا کے بغیر
دلیل کوئی نہیں تھی خدا کے ہونے کی
علیؑ و فاطمہؑ حسنینؑ و مصطفیٰؐ کے بغیر
سزا کے بعد جزا ہے اگر تو اے واعظ
تو کیسے مل گئی حرؑ کو جزا سزا کے بغیر
علیؑ، رسولؐ، خدا اصل میں ہے یہ ترتیب
تم انتہا کو نہ پہنچو گے ابتدا کے بغیر
کوئی بھی ہو رضی اللہ ہو نہیں سکتا
اے بنتِ رحمتِ عالمؑ تیری رِضا کے بغیر
May is tarha se hoon ya Rab teri sanaa ke baghair Ke jaise jee nahi sakti koi hawa ke baghair Na mujh se naat ka ik lafz bhi raqam hota Khuda e aal e Muhammad(as) teri ata ke baghair Qasam Khuda ki adhoori kitab lagti thi Bayaz shair mujhe naat e Mustafa(sawaw) ke baghair Na meri hamd mukammal hay Mustaf(sawaw) ke baghair Na meri Naat mukammal hay Murtaza(as) ke baghair Waseela aal e Nabi(as) ka na ho to rehtay hain Dua asar ke baghair aur asar dua ke baghair Faqeer e Shah e Najaf(as) hoon koi mazaq nahi Hamesha milta hay mujh ko meri salah kay baghair Sukoon milta nahi Mustafa(sawaw) ko aur kaheen Aey shahzadi e aalam(as) teri rida ke baghair Daleel koi nahi thi Khuda ke honay ki Ali(as) o Fatima(as) o Hasnain(as) o Mustafa(sawaw) ke baghair Saza ke baad jaza hay agar to aey waez To kaise mil gaye Hur(as) ko jaza saza ke baghair Ali(as), Rasool(sawaw), Khuda asal may hay yeh tarteeb Tum inteha ko na pohoncho gay ibtida ke baghair Koi bhi ho Razi Allah ho nahi sakta Aey bint e Rehmat e alam teri riza ke baghair