Zamineen Nabi(sawaw) ki zamana Nabi(sawaw) ka
Efforts: Syed-Rizwan Rizvi



Zamineen Nabi(sawaw) ki zamana Nabi(sawaw) ka
Ye sari Khudai khazana Nabi(sawaw) ka
Sallallaho alehi wasallam

Na bholay ga teri sada ko zamana
Utar kar falak se zameen par wo aana
Wo Makkay ki galiyon may khoon may nahana
Wo wazn e Risalat uthana Nabi(sawaw) ka

Wo bando ko apnay Khuda se mila kar
Saleeqa hamain bandagi ka sikha kar
Jo thay darmiyan un button ko hata kar
Khuda ka hi sajda karana Nabi(sawaw) ka
Sallallaho alehi wasallam

Khuda jis se dekhay Nabi(sawaw) wo basarat
Sunay jis se khaliq Nabi(sawaw) wo sama-at
Mashyat Khuda ki Nabi(sawaw) ki mashiyat
Irada Khuda ka irada Nabi(sawaw)ka
Sallallaho alehi wasallam

Salam un pe jo hain zamanay pe saya 
Ke un may Khuda ne hay khud ko basaya
Hussain(as) o Hasan(as) hoon Ali(as) hoon ke Zehra(as)
Nabi(sawaw) ki tarha hay gharana Nabi(sawaw) ka
Sallallaho alehi wasallam

Ye muzda sunain ham se aqwam e aalam
Ke ab waqt shayed bohat reh gaya kam
Ke aayain sawar is may ho jayain ab ham
Safeena hua hay rawana Nabi(sawaw) ka
Sallallaho alehi wasallam