Efforts: Syed-Rizwan Rizvi
Meetha meetha hay meray Muhammad(sawaw) ka naam Un pe lakon karorron darood-o-salam Wohi Hasni Hussaini chaman ke hain phool Noor-e-Maula Ali jaan-e-Zahra batool Jin ke nana Rasool-e-Khuda zee maqam Un pe lakhon karorron darood-o-salam Jis ne aa ke sanwara hay darain ko Jis ke rehmat ne thama hay konain ko Jis ke dam se hi yeh ronaqain hain tamam Un pe lakon karorron darood-o-salam La makaan ke banay hain wohi do makeen Jin ke nalaen ko choomay arsh-e-bareen Jo Khuda se huay arsh par ham kalam Un pe lakon karorron darood-o-salam Waqt laey Khuda jayain darbar par Aur kharay ho ke roza-e-Sarkar par Pesh mil kar karain ham darood-o-salam Un pe lakon karorron darood-o-salam Ik Khuda ki raza jis ka maqsood tha Zulm sehta raha shukr karta raha Jis ke sabr-o-tahammul ke charchay hain aam Un pe lakon karorron darood-o-salam Shah-e-konain woh noor-e-darain woh Fakhr-e-Hasnain woh Ghos-e-Saqlain woh Jin ke dar ka hay Hafiz bhi adna ghulam